Ljósmyndir, texti og hönnun: Björn G. Björnsson

HÖFUNDURINN

Eftir farsælan feril við söng þjóðlegrar tónlistar í Savanna tríóinu hóf Björn störf sem hönnuður við sjónvarpið við upphaf þess árið 1966. Hann hefur síðan unnið við hönnun leikmynda, búninga og sviðsetninga í leikhúsum, sjónvarpi og kvikmyndum hér og erlendis. Síðustu 20 árin hefur Björn þó einkum hannað sýningar í söfnum og setrum um land allt og fengist við hvers kyns myndgerð sem því fylgir. Björn hefur einnig gert 70 þætti fyrir sjónvarp um merkar byggingar, sögustaði og menningarminjar og fáir þekkja hinn sjónræna, íslenska menningararf betur.

Í þessum fallegu myndabókum og öðrum verkum leiðir hann okkur inn í hinn fjölskrúðuga, myndræna arf Íslendinga, sem fáir gera sér ef til vill grein fyrir. Tilgangurinn er ekki síst að kynna erlendum ferðamönnum sem hingað koma fleira en fjöll, fossa og önnur verk skaparans og benda á það sem Íslendingar hafa sjálfir verið að fást við á ellefu alda vegferð sinni í landinu og er hluti af íslenskum menningararfi.